Como cada ano, a asociación ALCER acudiu ao noso centro para explicar e concienciar aos maiores de 6°EP sobre a necesidade da doazón de órganos en xeral, e de ril en concreto. Incidiron na necesidade de falar sobre este tema en familia, aclarando a multitude de dúbidas que xurdiron.
O pasado martes 11 de febreiro o alumnado de 5º e 6º de primaria acudiu ao Auditorio Abanca para ver a obra de teatro en inglés "My funny Frankenstein". Nesta peza teatral a Dra. Frankenstein está a preparar unha festa para revelar a súa creación máis recente: un monstro formado a partir de partes de corpos humanos.
O luns 20 de xaneiro o alumnado de 3º e 4º de Primaria acudiu ao Teatro Principal para acompañar a Mina na súa viaxe.
Este ano como todos os anteriores,
fumos á Volta do Castro a visitar aos nosos maiores.
Foi un encontro agradable nestas datas sen igual,
para desexarlles a todos eles un feliz Nadal.
Todo o alumnado do cole participou na elaboración das Chapas Solidarias con deseños personalizados.
Moitas foron as familias que pasaron polo posto o día da carreira para mercar a súa chapa!
Grazas a colaboración de toda a comunidade educativa conseguimos recadar 300€ que foron destinados á Obra Social de Pediatría do C.H.U.S.
A Axencia Galega de Calidade Alimentaria (AGACAL) publica nas súas redes sociais un vídeo resumo da campaña "Come Local" dos últimos anos. Como non podía ser doutro xeito, o noso colexio participa na mesma, ofrecendo ao noso alumnado unha dieta equilibrada sen esquecer o consumo responsable e de proximidade. Para visualizalo, preme no seguinte enlace.
Estamos de noraboa! A nosa alumna Vega R. B. de 6º de primaria foi galardoada co segundo premio do I Concurso de Expresión Artística Biodiversión. Parabéns para a gañadora!!
