A pasada semana visitou aos alumnos e alumnas de 4º a policía local de Santiago de Compostela para que coñezan os obxectivos da Campaña de Educación Viaria, como son dar a coñecer as normas básicas que incumbe aos menores como peóns e usuarios de vehículos, crear hábitos en relación có uso diario das vías públicas polos nenos, familiarizar a estes coas mensaxes que transmiten os sinais de
A pasada semana a Asociación para a Loita Contra as Enfermidades de Ril (ALCER) fixo partícipes aos alumnos de 6º de primaria dunha charla na que se falou da importancia da doazón de órganos para salvar vidas ou para cambiar a millor outras, grazas a estos transplantes. Deste xeito indicaron que é moi importante adquirir hábitos de vida saudables pola nosa propia saúde para previr calquera tipo de doenza.
250 nenas e nenos participaron na campaña “Cores para a esclerose” de ACEM con motivo do vindeiro Día Mundial da Esclerose Múltiple .A campaña desenvolveuse durante un mes con motivo do vindeiro Día Mundial da Esclerose múltiple (30 de maio de 2021), contou coa colaboración dos Concellos de Santiago, Ames, Teo, Brión e Oroso e da empresa Alcampo.
A ANPA do cole comprou para o centro quince medidores de CO2 para situalos nas aulas e nos espacios comúns coa finalidade de comprobar os niveis dese gas no ambiente e así saber se o aire está moi cargado e é necesario ventilar ou se pola contra está nun nivel óptimo. Son uns aparatos nos que aparece unha cifra que indica canto CO2 hai na aula indicando coa cor verde se o nivel é bo, coa cor amarela se é aceptable e coa cor vermella se hai que renova o aire, polo que é moi sinxelo ter a clase en boas condicións para evitar un posible contaxio por aerosois da CoVid-19.
Onte veu polo cole un mago e no foi un mago calquera. Chámase Víctor Noir e fixo do seu espectáculo un momento moi ameno para todos os nenos e tamén aos non tan nenos que alí estabamos. Apareceron e desapareceron moedas, viaxaron bolas, cordas estiráronse coma serpes que se cortan e se volven a unir, había unha caixa que parecía que non tiña fondo e unhas pombas que estanban nunha xaula desapareceron con xaula e todo! Foi moi divertido e convertiu unha tarde normal no cole en algo moi especial, coma se fora por arte de maxia...
Hoxe é o día do noso idioma, é o día das Letras Galegas. A homenaxeada é Xela Arias, escritora, traductora, editora e profesora, que nos deixou a unha idade moi temperá, só con 43 anos no ano 2003. Velaquí tedes un vídeo coas actividades que fixo o noso alumnado. Esperamos que vos guste.
Este pasado luns 26 de abril o alumnado de 5º e 6º de Educación Infantil e o de 3º e 4º de Educación Primaria puideron disfrutar de Sabela Gago, unha contacontos que fixo que estimulasen a súa imaxinación a través duns contos nos que os nenos e nenas eran partícipes activos dos mesmos.
O noso comedor escolar participa na campaña “Come Local” levada a cabo por Slow Food Compostela para a Axencia Galega de Calidade Alimentaria (Agacal). Preténdese con esta inciativa poñer en valor os produtos galegos con certificado de calidade:
